Serokê Herêma Kurdistana Îraqê Nêçîrvan Barzanî li Enqerê ya paytexta Tirkîyê bi serok û wezîrê derve yê wî welatî re kom bû.
Barzanî berê bi Wezîrê Derve yê Tirkîyê Mevlut Çavuşoglu re li taşteyê hevdîtin kir û dûre bi Serokomarê Tirkîyê Recep Tayyîp Erdogan re civîya.
Jêderên Herêma Kurdistana Îraqê dîyar kirin ku Barzanî û Çavuşoglu ser peywendîyên aborî û têkoşîna dijî vîrusa korona axifîne.
Li gor wan jêderan Çavuşoglu soz daye ku dijî vîrusa korona alîkarîya tibî bişîne Herêma Kurdistana Îraqê.
Çavuşoglu jî ji Twitterê dîyar kir ku ew bi Barzanî û şandeya bi wî re di serî de derbarê têkoşîna dijî Partîya Karkerên Kurdistan (PKK) ser peywendîyên dualî peyivîne.
IKBY Başkanı Neçirvan Barzani ve beraberindeki heyeti konuk ettik. PKK ile ortak mücadele başta olmak üzere ilişkilerimizi ele aldık.Hosted President Nechirvan Barzani of KRG and his delegation. Discussed our relations, in particular the joint fight against PKK. @IKRPresident pic.twitter.com/0O53OrKjt2
— Mevlüt Çavuşoğlu (@MevlutCavusoglu) September 4, 2020
Derbarê hevdîtina Barzanî û Erdogan ji ofîsên her du alîyan jî ti agahî nehat belav kirin.