Li Mexribê di erdhejeke bihêz de zêdetirî 800 kesî jiyana xwe ji dest da û bi sedan kes jî birîndar bûn, avahî wêran bûn û niştecihên bajarên mezin ji malên xwe bar kirin, di erdheja herî kujer a welêt di şêst salî de.
Derengî şeva Înê li çiyayên Atlasa Bilind a Mexribê erdhej bi hêza 7,2 pêk hat. Wezareta navxweyî ragihand ku 820 kes mirine û 672 kesên din jî birîndar bûne. Karbidestekî xwecihî got ku piraniya mirinan li deverên çiyayî bûn ku gihîştina wan zehmet bû.
Li Merakişê, bajarê mezin ê herî nêzîk ê navenda erdhejê, rûniştvanan şeva xwe li cihên vekirî derbas kir.
Avahiyên li bajarê kevn, ku di lîsteya kelepora cîhanê ya UNESCO de ne, ziyan dîtin. Minareya mizgeftê navenda bajarê kevnar ê Merakişê hilweşiya. Tîmên rizgarkirinê di nav kavilan de dikolin.
Rûniştvanekî got, "Her tişt bi daxwaza Xwedê ye, lê me ziyaneke mezin dît."
Nêzîkî 150 kes, ku piraniya wan kesûnasên birîndaran in, li derveyî nexweşxaneyeke herêmî çaverê bûn. Piraniya wan ji deverên çiyayî yên derveyî bajêr hatibûn ji ber ku nexweşxaneyên wan ên xwecihî kêmasiya dermankirina birînên giran hebû.
Wezareta Navxweyî daxwaza aramiyê kir û di daxuyaniyeke televîzyonî de got ku erdhej li parêzgehên El Hewz, Wirzazat, Merakiş, Ezîlal, Şîşawa û Tarodant pêk hatiye.
Çavkanî: Reuters