Serokê Tirkiyê Recep Tayyip Erdogan, roja Duşemê li bajarê Enqerê axiftinek kir û di axiftina xwe de got, operasyonên leşkerê Tirkiyê li Sûriyê dê ber bi Rojhilatê ve berdewam bikin , heta hemû bajaran, heta sînorê Îraqê ji çekdarên Kurd paqij dike.
Rojekê piştî artêşa Tirk û grûbên girêdayî wê dest bi ser bajarê Efrînê de girtin, Erdogan li Enqerê got, Tirkiye dê herêmên Minbic, Qamîşlo, Kobanê û Girê Spî jî bigire.
Erdogan dîsan bal kişand ser operasyonên li Bakurê Îraqê û got, Tirkiye dê êrîşan li dij çekdarên Kurd li Bakurê Îraqê pêk bîne, dema Îraq bi xwe bi wî karî nerabe.
Li Minbicê hebûna hêzên Amerîkî tevî hêzên Kurdan YPG û YPJê hene, dema Tirkiye operasyonê li wî bajarî encam bide dê bibe sedema rîzka derketina aloziyên cidî di navber herdu endamên NATO yê de.
Dîsan Kobanê (Ayn al-Arab) bajarê ser sinorê Tirkiyê û xwecihên wê Kurd in, weke sembolek giring ya şerê li dij DAIŞ'ê û grûbên cîhadî tê naskirin.