Amalija Knavs, diya Xanima Yekê ya berê ya Amerîka, Melania Trump, di 78 saliya xwe de koça dawî Melania Trump, mirina diya xwe bi daxuyaneiyekê di platforma X'ê de şeva Sêşemê ragihand û got diya wê koça dawî kirîye.
Sedema mirina Amalija Knavs nehat eşkere kirin lê Melania nivîsî, "Bi xemgîniyek kûr e ku ez mirina dayika xweya delal, Amalija radigihînim."
Melania Trump û diya wê li Slovenyayê ji dayik bûne. Malbata Knavs di xaniyek apartmanê de dijiyan, dema Melania ciwan bû, ew çûn xaniyek du-qatî li hindavî çemê Sava yê li derûdora Sevnica, ku kelheke serdema navîn ya çavdêrkirî li serê girekî yê bajaorkê Sevnica heye û hejmara rûniştvanan nêzî 4500 kesin.
Dê û Bavê Melania Trump
Rûniştvanên bajarokê biçûk yê Sevnica roja Sêşemê nexwestin derbarê mirin û malbata Amalija Knavs jibo Reuterê biaxivin, lê berê wan hin pêzanîn derbarê jiyana malabatî ya Melania Trump ji Reutersê re eşkere kirbûn ku bavê wê parçeyên otomobîlan difirot û diya wê jî li kargehek ku cilên zarokan çêdike kar dikir.
Wan dabûn zanîn ku Amalija Knavs diya Melania Trump pispora dirwar û terziyê bû, dema dihat malê jî wê heta derengî şev karê dirûn û terzîtiyê dikir.
Jêder: Reuters