Ajansa AP îro Înê ragihand ku di encama êrîşên hêzên Tirkîyê de 1 kes li Kobanê hate kuştin, 80 kesên din jî birînar bûn.
AP da zanîn ku hêzên Tirk bi gazên rondikrêj û ava şidyayî êrîşî xwepêşandarên Kurd kirine ku avakirina dîwara ser sînor protesto dikirin.
AP ji zarê karbidestê Kurd Dilxwaz Xelîl ragihand ku xortekî 17 salî hate kuştin û 80 kesên din jî birîndar bûn ku rewşa 7 ji wan xeter e.
Li gor ragihandina nûçegîhanê Dengê Amerîka yê Kobanê Mahmud Balî di encama xwepêşandina hemwelatîyên Kobanê de, li ber sînorê Tirkîyê 2 kes jîyana xwe ji dest dan, bi dehan kesên din jî birîndar bûn.
Balî ragihand ku 8 ji birîndaran bi guleyên hêzên ewlekarî yên Tirkîyî hatine birîndar kirinû xwepêşandana ser sînor hîn jî didome.
Hêjayî gotine ye ku piştî ku Tirkîyê dest bi avakirina dîwara ser sînorê kiribû û hêzên wî welatî derbazî axa Kobanê bûbûn, hemwelatîyên wê herêmê herikîbûn ser tixub ku pêşî li artêşa Tirk bigirin.
Your browser doesn’t support HTML5
Nûçegîhanê VOA Bûyerên Kobanê Zindî Ragihand