Dewleta Îslamî ya Îraq û Şam (DAIŞ) di van rojên dawî de careke din êrîşî herêma Kobanê dike û hewill dide ku herêm bigire bin kontrola xwe.
DAIŞ berî çend rojan daxuyanîyeke belav kir û tê de gefan li Kurdan dikir. Herwiha li gor medyaya Kurdî bi dehan hemwelatîyên Kurd li heman herêmê ji alîyê wê grubê ve hatin revandin.
Me ew mijar hemî bi rojnamevan Hozan Efrînî re axifîn ku çima DAIŞ wiha bi tundî êrîş dibe ser Kurdan.
"DAIŞ dixwest Rojava bêxe bin kontrola xwe û dewleta xwe ya li Raqqa heta herêmên Kurdan firehtir bike. Lê, berxwedana YPG rê li ber wê girt loma jî niha sîvîlan xwe re dikin armanc."
