Di hevpeyvîna Dengê Amerîka de, Serokê Desteya Rêvebir yê Kantona Kobanê Enwer Mislim dîyar kir ku derîyê sînor yê di navbera Kobanê û Surucê roja Sêşemê bi fermî vebû.
Birêz Mislim dibêje, sînor niha jibo alîkarîyên mirovahî û dermankirina nexweşan vebûye û ew yek jî rewşa Kobanê ku zûde di bin abluqa de ye, baştir bike.
“Peywendîyên me bi alîyê Tirkîyê ve pir baş in. Em hêvî dikin ku sînor jibo bazirganî jî vebe jiber ku ji gelê her du alî jî daxwazên wî rengî hene. Eger ev hêvîya me pêk were, hem jîyana gelê Kobanê baş dibe, hem jî bazirganên ji ser xetê dikanin feydeyeke girîng ji vê yekî bibînin.”
