Herêma di navbera parêzgeha Mûsil û Duhokê de, weke herêma Deşta Mûsil û herêma pêkhateyan tê nasîn: Krîstîyan, Êzîdî, Şebek tevî Misilman û pêkhateyên din yên etnîkî û olî dijîn.
Herêm di salên borî de jiber dagîrkerîya çekdarên DAIŞ'ê rastî malwêraniyeke mezin hatibû.
Niha ji egera alozîyên di navbera hikûmeta Bexda û Hewlêrê de, herêma Deşta Mûsil car din rastî gef û metirsiyên cidî tê.
Îşxan Melko endamê Ermenî yê civata parêzgeha Duhok hişyarî dike ku dibe Krîstîyan û Êzîdî, jiber hatina Heşda Şaabaî û leşkerên Îraqê herêmên xwe bi cih bihêlin.
Melko herwiha dide zanîn ku piştî lawaz kirin û j inav birina çekdarên DAIŞê li herêmê, hin kes û malbat vegerîyabûn ser cîh û warên xwe, lê niha ew tirs heye ku, xelkê wan herêman careke din birevin.
Melko dîyar dike ku Krîstîyanên devera Pêşxabuîrê jiber pevçûnan û tirsa hatina leşkerên Îraqê û Heşda Şaabî gelek kes malên xwe terkandine.
Your browser doesn’t support HTML5
Hepeyvina ligel Îşxan Melko