Serokê Partîya Gel ya Komarî (CHP) Kemal Kiliçdaroglu got ku Mansur Yavaş wê jibo partîya wan bibe berbijarê bajarvanîya Enqerê.
Kiliçdaroglu li ser pirsa rojnamevanan dîyar kir Yavaş niha bajarvanê wan e û ewê di hilbijartinên herêmî de bibe berberbijarê wan.
Yavaş ser gotinên Kiliçdaroglu yên derbarê berbijarîya wî ti şîrove nekir.
Wî sala 2019’an di hilbijartinên herêmî de 50,9 ji sedê dengan sitandibû û bajarvanîya Enqerê bi dest xistibû.
Ew sala 2014’an jî ketibû hilbijartinan û bi sitandina 43,82 ji sedê dengan têk çûbû.
Yavaş meha borî dîyar kiribû ku ew dixwaze di hilbijartinên herêmî de jinûve bibe berbijar.
Çaverê ye hilbijartinên herêmî yên Tirkîyê di 31’ê Adarê de li dar kevin.
Jêder: NTV
