Pêşîya 3'ê Gulanê Roja Azadîya Ragihandinê, hemû raport didin berçavan ku çandek dijminatî û tundutûjî ya li dijî ragihandinê lê, bi taybetî jî dijî rojnamevanîya jinan û rojnamevanên jin hîn zêdetir e. Li gor raportek Rexistina Rojnamevanên Bêsînor (RSF), ku di 30'ê Nîsan'ê de hatîye weşandin, şîroveyên xedar û nîjatperest li ser medyaya civakî, e-mailên tehdîtkirinê, gefên nepenî yên li ser taybetî ya kesane û êrişên cinsî û fîzîkî bi rêkên gelek xirab, dijî rojnamevanên jin pêk tê. Lê, dîsa jî rojnamevanên jin ji rêya xwe ya rojnamevanîyê venagerin.
Aysel Işik , rojnamevan û edîtora JINNEWS - ajansa nûçeyan a jinan JINNEWS'ê ku bi tevahî ji hêla jinan ve tê rêvebirin e û bi taybetî nûçeyên ku bi jinan re têkildarin - di derbarê tecrûba rojnamevanî ya jinan de axifî.
"Armanca me xûyakirdina dengê jinê, rengê jinê û hakîkata jinê ye û ew di vê şopa hakîkatê dene."
Işık balê dikşine ku ew tevahîya nûçeyan dişopînin lê bi taybetî li ser nûçeyên jin û zarokan disekinin.Her wiha mijarên wekî sîyaset, aborî,zanîstî jî bi çav û nerîna jinan raport dikin.
Işık bi bîr dixe ku cûdatîya rojnamevanîya wan ziman e. “Zimanê jinê ye, zimanê gel e, rengê civakaye.”
Your browser doesn’t support HTML5
Aysel Işik