Berdevka Wezareta Derve ya Amerîka Heather Nauert bi daxuyanîyekê helwestên Îranê yên dijî xwepêşandarên rexne kir.
Nauert, berî brifînga rojane bi daxuyanîyeke nivîskî dîyar kir ku Amerîka protesto û bûyerên tundûtûjîyê yên li Îranê ji nêz ve dişopîne.
‘’Gelê Îranê wekhevîyê dixwaze, dijî gendelîyê disekine û naxwaze ku rejîm li derveyî welêt bo hin hewildanên leşkerî pereyan xerc bike. Lê mixabin hikûmeta Îranê, van kesên bi wêrekîyê derketine kolanan diavêje hepsan û dikuje’’ Nauet got.
Nauert da zanîn ku Amerîka piştgirîya daxwazên gelê Îranê dike û jiber desteserkirina bi qasî 1000 xwepêşandaneran jî hikûmeta Îranê şermezar dike.
Di dawîya daxuyanî de ‘’Qurbanîyên rejîmê nayên ji bîr kirin’’ hat gotin.
