Mijar xeleka nû ya bernama Hello Washington (Azadiya Rojnamegeriyê li Herêmên Kurdan) bû, di vê xelekê de, binpêkirinên mafê rojnamegeriya azad li herêmên kurdan û Îdare û desthilatên di jêr kontrola ewlekariya kurdan û Îdara wan de hat gotûbêj kirin
Di vê bernamê de, hind mêhvanên weke qorbanên şîtea liser azadiya Rojnamegerîyê beşdar bûn, ji herêma Kurdistana Îraqê û ji bajarê Duhok, rojnamevan Sebah Etrûşî hebû ku, demekê ji aliyê asayişa bajarê Duhokê de, hatbû girtin û desteser kirin.
Herweha di çend rojên derbasbûyî de, hind kesên serûçav nixaftî (dapoşî) li bajarê Amuda Rojava, êrîş birbûn ser êstgeha ARTA FM, berpirsê şaxê Amudê hunermend Sefkan hatbû girtin û gef li wî xwar bûn û paşan avahiyê FMê şewitand bûn.
Liser vê mijarê berpirsê giştî yê ARTA FM Sîrwan Berko ji Almaniya liser çawanî û sedemên êrîşê axivî.
Ji Tirkiyê, ji bajarê Enqerê, Xeyî Demir, Rojnamevanê ajansa Dîcle beşdarî bernamê bû, wî pêzanînên derheqa rewşa Rojnamegeriyê li tirkiyê bi giştî û li herêmên kurdan bi taybetî anî ziman.
Temamiya bernama Hello Washingtin di fayla deng de guhdarî bike.
Your browser doesn’t support HTML5
Azadiya Rojnamegriyê li Herêmên Kurdan di Bernama Hello Washington