Di encama şerekî navxweyî di navber rûnştivanên gundê Meşhûr yê rojhilata bajarê Girêsipî û koma çekdar Cebhe el Şamîye ya ser bi Tirkîyê ve, sivîlekî bi navê Beşar Seîd jiyana xwe ji dest da û kesekî din yê bi navê Husên Ahmed jî birîndar bû.
Herwiha li gor çavdêrekî ji bajarê Girêsipî 3 endamên gruba çekdar hatin kuştin, piştî ku koma bi navê Ehrar Elşerqîyê piştgirîya gundîyan kir.
Rojmemevan Ridwan Bêzar, ku ji Girêsipî ye û rewşa bajêr ji nêzve dişopîne, ji Dengê Amerîka re got ku endamên El Şamîye ji Îdlibê û Şamê ne û hewil dan ku milke kesekî ji gundê Meşhûr li bazara bajêr talan bikin û di encamê de ew şer qewimî û rûniştvanên bajêr piştgirî dan hev.
Bêzar da zanîn ku şer nêzî 4 saetan berdewam kir û tevî ku niha pevçûn sekinîne hîn pirsgirêk berdewam e.
Hîjayî bîrxistinê ye ku ji destpêka dagirkitina Girêsipî û Serêkanîyê vie be carna pevçûn di navbera grubên çekdar de, bi sedema lihevnekirina ser mal û milkên xelkê taybetî yên Kurdan diqewimin.
Lê, carê yekê ye ku di navbera rûniştvanan û komeke çekdar de şer derdikeve û kuştin çêdibe.
Your browser doesn’t support HTML5
MB_30_11_2020_Şerê_Girêspî