Hêzên hikûmeta Sûrîyê îro Înê, berî agirbestê êrîş bir ser stargeheke li Gutaya Rojhilat. Di êrîşê de 37 sîvîl jîyana xwe ji dest dan.
Feylak El-Rahman, ku ji yek komên serhildayan e, bo derketina sîvîlan banga agirbestê kir.
Li gor agirbestê dê serhilda herêmeke din ya li Gutaya Rojhilat radestî hêzên hikûmetê bikin.
Do Pêncşemê jî Ahrar El-Şam ser Harasta ya li Gutaya Rojhilat bi hêzên hikûmetê re li hev kiribû û bi sedan sîvîl û çekdar ji wê herêmê derketibûn.
Di çend hefteyên dawî de hêzên hikûmetê, Gutaya Rojhilat kiribû sê par û bi bombebaranê her sê par ji hev qut kiribûn.
Kanala dewletê ya Sûrîyê ragihand ku ji Duma ya Rojhilat îro Înê 4000 kes revîne Şamê.
Li Dumayê bombebaran didome û hîn ti agirbest nehatîye ragihandin.
Duma, ku herêma herî mezin ya Gutaya Rojhilat e, di destê Ceyş El-Îslam de ye.
