Hêzên Tirkîyê do êvarê bi topan êrîş birin ser jimareke gundên Efrînê. Dîsa, li herêma Şehba jî çeparên Ceyş el-Suwar bû armanca êrîşên esmanî yên firokên Tirkîyê. Di wan êrîşan de pirtir jî 10 kes jîyana xwe hinda kir û hinekên din jî birîndar bûn.
Berdevkê YPGê li Efrînê Ferat Xelîl li ser van êrîşên Tirkîyê û helwesta wan ya hember êrîşan bi firehî dinirxîne.
"Tirkîye be sedem gundên Kurdan dide ber topan û zarar digehîne sîvîlan. Em li hember van êrîşan bêdeng namînin û bersîvê bidin."
Xelîl îdiayên medya Tirkî bi tundî red dike ku artêşa Tirk 200 şervanên YPG kuştine.
"Nûçeyên wiha beşeke ji şerî pîskolojîk e û dixwaze moralê gelê me xira bik, lê gelê me ser wan nûçeyên pir agahdar e."
Xelîl didezanîn ku şervanên Ceyş el-Suwar li herêma Şehba jî bûne armanca êrîşên esmanî yên Tirkîyê, piştî ku wan 5 gund ji DAIŞê rizgar kirine.
"Tiştekî balkêş e ku piştî Ceyş el-Suwar hember DAIŞ pêşde dihere, firokên Tirk jî êrîş dibin ser QSD. Dema êrîşên esmanî didomin, grubên ku Tirkîyê destek dide û DAIŞ di heman demê de êrîşî QSD dikin."
Your browser doesn’t support HTML5
Ferat_Xelîl_10_20_16