Ciwanên Kurd ku li Amerîka û Kanada dijîn, di festîvala salanê de li bajarê Miami ya Florida kom bûn.
Di festîvalê de panel, pêşangeh, nîşandana fîlmên Kurdî, pêşbirk û gelek aktîvîtîyên din hebûn.
Hunermend Diyar jî di roja dawî ya festîvalê de konsertek pêşkêş kir û bi stranên xwe yên bedew dilê mêvanan geş kir.
Diyar berî dest bi programa xwe bike daxwaz ji ciwanên Kurd kir ku gelê Rojava tenê nehêlin û piştgirîya xwe jibo wan nîşan bidin.
Me jî ligel hunermendê dengxweş hevpeyvînek li ser festîvala ciwana û Rojava kir.
"Rojavayê Kurdistanê birastî jî dilê şoreşa Kurdistanê ye. Li Rojava gelê me bi qehremanî berxwe dide û destanan dinivîse."
Diyar dibêje, divê herkes alîkarîya Rojava bike û gelê Kurd bi tenê nehêle. " Li Rojava gelê me dide xuya kirin ku ew dikanin sîstema xwe biafrînin û xîzmetên baş bidin."
