Hevserokê berê yê Partîya Demokratîk ya Gelan (HDP) Selahattîn Demîrtaş dîyar kir ku HDP bi berbijarê xwe yê bo serokomarîyê hebûna xwe nîşan dide.
Demîrtaş di hevpeyvîneke malpera T24 de got ku HDP helwesteke danûstandiner nîşan dide û bo dîyaloga sîyasî jî vekirî ye.
‘’HDP çi hewce ye wisa tevdgire û di biryara HDP’ê de , ti anormalî tuneye. Partîyên rikeberîya Tirkîyê, ku Tifaqa Milet çêkirine, hîn berbijarê hevbeş ranegihandiye û nabe ku HDP jî di vê demê de bibêje ku ew piştgirîyê dide wê tifaqê."
Demîrtaş got ku peyvajoya niha li gor sîyasetê wek rengê hewce dimeşe.
Sîyasetvanê zindankirî îdia kir ku ger ew piştgirî bide Serokomarê Tirkîyê Recep Tayyîp Erdogan ewê yekser were berdan û bi helîkoptera serokomarîyê ji qesrê re were birin.
Demîrtaş dîyar kir ku ew wek xwe ketiye Girtîgeha Edîrne û ewê dîsa wek xwe ji wir derkeve.
Jêder: T24