Serokê Amerîka Joe Biden û Serokomarê Fransa Emmanuel Macron piştî kêşeya noqavê ya di navbera her du dewletan de li Roma rûbirû civîyan.
Biden û Macron bo başkirina peywendîyên dualî bi awayekî erênî axifîn.
Serok Biden dîyar kir ku Fransa bo Amerîka ‘’pir bi qîmet’’ e û Macron dîyar kir ku Biden bo başkirina peywendîyan gavên berçav diavêje.
Îhaleya noqavan ya 56 mîlyar euroyî ya Avustralya bi Fransa re îmza kiribû derbazî Amerîka bûbû û jiber wê di navbera Parîs û Washingtonê de girjî çêbûbû.
Biden û Macron ji wê krîzê vir ve cara pêşî li Roma rûbirû axifîn.
Macron dîyar kir ku Fransa û Amerîka di demên dawî de ser îqlim, berevanî û têkoşîna dijî terorê danûstandinê dikin û da zanîn ku divê ew êdî li siberojê binêrin.
Biden jî ser kêşeya noqavan got ku her çiqas hin tişt gerek pêk nehatana jî Fransa, hevalbenda Amerîka ya herî kevn û şirîkeke bi qîmet e.
Wî da zanîn ku cîhan û rewiş diguhere lê ew dixwazin ku bi Fransa re bimînin û hevkarîyê bidomînin.
