Koşka Sipî îro Pêncşemê ragihand ku Serokê Amerîkî Joe Biden dê hefteya bê li Koşka Sipî mêvandarîya Serokê Ukraynayê Volodymyr Zelenskyy bike.
Berdevka Koşka Sipî Karine Jean-Pierre got ku Zelenskyy dê bi awayekî cuda ligel Cîgira Serok Kamala Harris jî kom bibe.
“Wê rêber rewşa şerê di navbera Rûsya û Ukraynayê de gotûbêj bikin, di nav de jî plankirina stratejîk ya Ukrayna û piştgirîya Amerîka jibo Ukraynayê di berevanîya wê ya dijî dijminahîya Rûsyayê,” wê got.
"Serok û Cîgira Serok dê pabendbûna bihêz jibo piştgirîya Ukrayna heta ku di vî şerê de serkeve, dupat bikin," Jean-Pierre diyar kir.
Li gor Koşka Sipî, civîna Biden û Zelenskyy li Washingtonê dê 26’ê Îlonê pêk were.