Îsal bandora hişkatîyê li ser herema Wanê dijwar derbaz dibe û li paşvekişîna peravên Behra Wanê didome.
Your browser doesn’t support HTML5
Paşvekişîna Avên Behra Wanê Didome
Kêmbûna ava behrê herî zêde li cîhên ne kûr tê dîtin. Herî dawî li bajarokê Artemeta Wanê hat dîtin ku ava behrê nêzî 400 metreyan paşve kişîya.
Hejayî bîrxistinê ye ku di demsala havînê de li bajarokê Erdîşa Wanê jî peravên Behra Wanê nêzî 2 kîlometreyan paşve kişîyabû.
Bendewarî hebû ku bi hatina zivistanê şilî dîsa destpê bike û bilindahîya ava behrê were aste berê.
Erdogan Ozel, serokê Komela Aktîvîstên Behra Wanê, dibêje ku tevî destpêkirina zivistanê hin jî li gor hewayê bajarê Wanê baran û berf nebarîye û bandora hişkatîyê berdevam dike.
“Li Tirkîyê yek ji cîhên ku ji krîza îklîmê bandor girtîye, Behra Wanê ye. Îsal jiber kêmbûna şilîyê, Behra Wanê pir paşve kişîya ye û dîyar e ku ev bandora krîza îklîmê ya li tevahîya cîhanê ye.”
Komela Aktivîstên Behra Wanê heya niha li hember qirêjbûna golê çalakîyên cûrbicûr dikirin, lê Ozel dibêje ku niha paşvekişîna behrê bûye mijara herî girîng.
“Mixabin niha zuhabûna behrê bûye metirsîyeke mezin. Divê li ser vê mijarê lêkolîn were kirin. Emê jî jibo balê bikêşînin ser vê mijarê bixebitin.”
Ji alîyê din ve piştî paşvekişîna behrê bajarvanîya Artemetê ya Wanê jî jibo paqijkirina gemara avê dest bi bizaveke nû kir.
Your browser doesn’t support HTML5
AA_06_12_21_Behra Wanê