Serokê Herêma Kurdistana Îraqê Nêçîrvan Barzanî serdana Tirkîyê kir.
Barzanî li Enqerê li dû hev bi Wezîrê Derve Hakan Fîdan, Serokê Sazîya Îstixbarata Neteweyî Îbrahîm Kalin û bi Serokomar Recep Tayyîp Erdogan re kom bû.
Serdana Barzanî li vê demê rast tê ku di rojeva Tirkîyê de ser çareserîya kêşeya Kurdan hin sînyal hene û dawîya hefteyê jî li Herêma Kurdistanê hilbijartinên parlamanê çêdibin.
Di civînan de Barzanî û karbidestên Tirk ser peywendîyên dualî yên Enqere û Hewlêrê û mijarên enerjî û ewlekarîyê danûstandin kirin.
Barzanî piştî civîna bi Erdogan re ji medyaya civakî got ew pir kêfxweş e ku li Enqerê careke din bi Erdogan re dicive.
Wî dîyar kir ku ew bi Erdogan re ser xurtkirina îstiqrara herêmê û pêşvebirina peywendîyan axifîye.
Wezareta Ragihandinê ya Tirkîyê jî dîyar kir ku her du rêber peywendîyên Enqere û Hewlêrê axifîne û derbarê bûyerên herêmî û cîhanî danûstandin kirine.
Wê wezaretê dîyar kir ku Erdogan ser hilbijartinên parlamanê yên Herêma Kurdistanê gotiye ew hêvî dike ku hilbijartin bi aştî û aramîyê çêbin.
Erdogan û Barzanî herî dawî meha Nîsanê dema serokê Tirk serdana Hewlêrê kiribû kom bûbûn.
Jêder: X