Artêşa Tirk ji roja Şemîyê vir ve bi dijwarî êrîş hemû deverên Kantona Efrînê dike. Di van êrîşan de balafir û çekên giran tên bikar anîn.
Hêzên Tirk ji 3 alîyan ve hewil didin ku bi awayekî bejahî sînor derbaz bikin, lê Hêzên Sûrîya Demokratîk (HSD) bersîva van hewildanan dide.
Derbarê rewşa dawî, yek ji fermandarên HSD'ê li Efrînê, Birûsk Hesekê agahî bi me re parve kirin.
“Êrmancên Tirkîyê zelal e. Êrîşa li ser Efrînê, kîna ji binxistina DAIŞ'ê tê û dixwaze gelên Sûrîyê dijminê hevdu bike.”
Hesekê herwiha dîyar kir ku şerên dijwar li enîyên cuda hene û hêzên wan bi moraleke bilind bersîvê didin û zîyanên mezin gihandine artêşa Tirk.
Li alîyekî din îro li bajarê Efrînê merasîmên 15 cangorîyên ku di encama topbaran firokên Tirkîyê ya 24 saetên dawî de, jîyana xwe ji dest dabûn pêk hatin, ku 12 ji wan sîvîl in.
Your browser doesn’t support HTML5
NR_1_22_2018