Asya Abdullah ligel Hevserokê BDP Selahattîn Demîrtaş û parlamanterên din yên BDPê ye
Hevseroka PYD Asya Ebdulla ev çend roj in ku jibo serdanekê li Tirkîyê ye.
Birêz Ebdullah, ji Dengê Amerîka re behsa vê serdana xwe dike û agahîyan dide.
"Bi vê serdanê me derfet dît li ser pêşketinên li Rojava agahî bidin Kurdan û demokrasîxwazan û daxwaza piştgirîyê ji wan bikin."
Ebdullah bal dikşîne ku alaqayeke mezin ji îlankirina kantonên xweser heye û taybetî Kantona Cizîrê ji alîyê gelek kesan ve wek modeleke pêşketî tê dîtin.
Hevseroka PYD çend îdîayên medya Tirkîyê red dike ku firotina petrolê bi rêya wî welatî di rojeva vê serdanê de heye.
"Me qet li ser vê mijarê hevdîtinek nekiriye. Lê, di Rêvebirîya Kantona Cizîrê de komîsyonên aborî û petrolê hene û ew dikarin li ser vê yekê bi hemê derdoran re bipeyîvin."
