Berdevika Wezareta Derve ya Amerîka Morgan Ortagus ser bidûrxistina bajarvanên Amed, Mêrdîn û Wanê axifî.
Ortagus dîyar kir ku bidûrxistina bajarvanên hilbijartî û erkdarkirina kesên nehilbijartî fikaran çêdike.
‘’Em hêvî dikin ku Tirkîye kêşeya xwe bi demokrasîya xwe û bi dîyaloga berfireh ya bi Kurdan re çareser bike’’ Ortagus got.
Wezareta Navxweyî ya Tirkîyê di 19’ê de bidûrxistina bajarvanên Amed, Mêrdîn û Wanê ragihandibû û dîyar kiribû li şûna wan walîyên wan bajaran hatine erkdar kirin.
Li ser erkdarkirina qeyuman, ji roja Duşemê vir ve li Amed, Mêrdîn û Wanê protesto li dar dikevin.
