Roja Duşemê Berdevkê hikûmeta Almanya Steffen Seibert di dayunaiyekê de ragihand ku li gur daxwaza Amerîka, dê Almanya hêzên zêde neşîne Sûriyê bo şerê li dij DAIŞê, Seibert got"dema ez dibêjim beşdariya Almanya di çarçova hevpeymaniya nêvnetewî de ya şerê li dij-DAIŞê ku niha didome, ev tê wateya ku şandina leşkeran ti neye".
James Jeffery
James Jeffery, nûnerê taybet yê Amerîka bo Sûriyê doh Yekşemê got bû mediya Almanî di nav de rojnama Die Welt, Washington ji hikûmeta Berlin dixwaze leşkeran bişîne bakurê Sûriyê.
Jefferey ku ji bo axiftina li ser Sûriyê serdana Almanya kir bû li bendê bû encamekê di vê mehê de bistîne.
Beşdariya Almanya di şerê li dij DAIŞê de li Sûriyê, dê heta 31 meha Çirîyê/October ê bidawî bibe, dema ku bixwaze wê demê dirêj bike pêwîstî bi razîbûna Parlamenê heye.
Steffen Seibert
Herwiha got, ev 4 salin Almanya bi beşdariyek berfireh ya hevpeymaniya navnetewî şerê Dewleta Îslamê DAIŞê dike û niha Berlin derbarê beşdariyê li gel Amerîka di danûstendinan de ye "Ka divê hevkariyeke çewan bihê pêşxistin ji bo beşdarîkirinê".
Amerîka li Sûriyê du armanc hene, ya yekê piştevanîkirina Kurdane yên ji aliyê Amerîka ve tên piştevanî kirin û DAIŞ ji bakurê Sûriyê derxistine, lê bi şêweke eşkere Tirkiye gefan li wan dike, armanca din rêgirtina li hember vegerîna DAIŞê li wî welatîye yê ku şeran jihev parçe kirî.
Şêwirmenda Almanya Angela Merkel û partiya hevpara hikûmetê SPD, partiya Keskan, partiya Demokratên Lîberal û partiya Çep "Die Linke", daxwaza Amerîka ya hinartina leşkeran bo bakurê Sûriyê red dikin.