Bi deh hezaran kes li kolanên bajarê Louisville ya cîhê dayikbûna navdartirîn Amerikîyê Misilman dicivin ku xatir jî boksorê efsaneyî Muhammad Alî bixwazin.
Di nav kesên beşdar de şampîyonê berê yê boksê Lennox Lewis û aktor Will Smith jî heye ku bi rola xwe ya filmê Alî de bo Xelata Oscar hatibû berbijar kirin.
Merasîma îro sibehê çaverê ye dora 90 deqe li seranser bajarê Lousville berdewam bike û konvoya otomobîlan li ber cîhên girîng yên jîyana Alî derbaz bin. Wê konvoya Alî di dawîyê de were goristana Cave Hill Cemetery û li wê derê bi merasîmeke taybet were binax kirin.
Paşnîvro jî bernameyeke taybet ya bo televîzyonê were kirin û di demjimêr 2 de were weşandin. Serokê berl Bill Clinton û komedyen Billy Crystal wê axaftinan ser kesitî û serkeftinên Alî bikin. Crystal bi zarvekirina Alî navdar e ku pir caran Alî bi xwe jî ji taqlêtkirina Crystal kêfxweş dibû û pir dikenîya.
Di merasîma îro de şîretvanê serekî ya Qesra Sipî Valerie Jarrett jî nameya taybet ya Serok Barack Obama bixwîne ku jibo beşdarbûna derçûna keça xwe ya lîseyê nikare beşdarî merasîmê bike.