Pirsa petrol û gazê di navbera Hêzên Sûrîyeya Demokratîk (HSD) û hikûmeta navendî ya Sûrîyê de di çi astê de ye, nemaze ku % 70 ji çavkanîyên enerjîyê yên Sûrîyê li herêmên Kurdan in?
Rewşa aborîya Sûrîyê çawa ye û têkilîyên her du alîyan di derbarê dosyeyên aborî û enerjîyê de wê çawa bin, taybetî piştî ku Rêvebirîya Xweser ragihand ku wê dest bi şandina petrolê ji Şamê re kiirye.
Ev mijar û hûrgilîyên wê bûn cihê gotûbêja mêvanên Mijara Rojê:
Aborîzanê Enstîtuya Almanî ya Pêşvebirin û Domdarî (IDOS) Dr. Mislim Talas û rojnamevan Egîd Mişmiş.
Dr. Mislim Talas anî ziman ku enerjîya welêt pirsek bi serwerîya welêt ve girêdayî ye, jiber wê jî jibo ku enerjîya Sûrîyê geş bibe, pirsên qanûnî û teknîkî hewce ne.
"Kerta petrolê di destê Rêvebirîya Xweser de ye, bi wê dikane gelek qezenc bi dest bixîne," Dr. Talas got.
Rojnamevan Mişmiş bawer e ku lihevkirina navbera Şam û Rêvebirîya Xweser tê wateya pêşveçûna dîyaloga sîyasî ya navbera her du alîyan.
"Dîyar e ku hin pêşveçûn di dîyalogê de hatiye kirin, lê hîn nakokî jî hene," Mişmiş got.
Dr. Talas dibêje sîyaseta aborî ya hikûmeta nû hîn nedîyar e, û nîşaneyên başbûna aborî li Sûrîyê tune ne.
"Dahata xwecîhî li Sûrîyê di 2010an de 70 mîlyar dolar bû, niha derdora 8 mîlyar e. Ev tê wateya ku eger niha geşbûn destpê bike, jibo başbûna wê 25 sal hewce ye.”
Jibo guhdarkirina li bernameyê fayla deng vekin.
Your browser doesn’t support HTML5
ZO_02_25_2025_Abori_Rojava