Li bajarê Qamişlo, Encûmana Niştîmanî ya Kurdî li Sûrîyê "ENKS" û Partîya Sûrî ya El-Musteqbel "HSM" civînek li darxistin .
Li gorî hat naskirin ku hevdîtin ser daxwaza Partîya Sûrî ya El-Musteqbel hatibû xwestin û bersiva ENKS erênî bû .
Cîgerê serokê ENKS Nimet Dawid ji Dengê Amarîka re got ku ev kombûn ser daxwaza Partîya Sûrî ya El-Musteqbel hat darxistin .
Şopîner bi guhdaneke mezin kombûn şopandin, ne xasim ku ev cara yekê ye, Partîya Sûrî ya El-Musteqbel piştî damezrandinê li gel partîyên bi nakok dicive.
Li alîyê din ENKS ku beşek ji Hevpeymaniya Opozisyona Sûriyê ye , Partîya Sûrî ya El-Musteqbel ev cara yekê ye ku bi partîyeke di nava hevpeymaniya opozisyona Sûriyê de ye kom dibe.
Serokê Partîya Sûrî ya El-Musteqbel Birahîm Qeftan ji Dengê Amarîka re got hevdîtina bi ENKS re di pîlan partîya wan de bû ku bi her partî û alîyên sîyasî yên Sûrî re kombûnan dar dixin .
Birêz Qeftan anî ziman ku nerîn û armancên hevbeş di navbera wan û ENKS de hebûn mîna pirojeya demokratîk, û avakirina sûrîyek ne navendî û pirralî.
Serokê Partîya Sûrîya ya pêşeroj birêz Qeftan got niqaşa navbera wan û ENKS de bêtir ser pêwîstîya avakirina enîyek hevbeş ji bo partîyên Sûrî, ne tenê ji bo partîyên bakûrê sûrîyê.
Hêjayî bîrxistinê ye ku Partîya Sûrî ya El-Musteqbel, di 27'ê Adarê de kongreya damezrandinê li dar xistibû.
Di wê kongrê de nûnerên partîyên sîyasî yên Rêvebirîya Xweser, nûnerên koalîsyona navnetewî û herwiha nûnerên encûmanên sîvîl yên Reqa, Minbic, Tebqa û Dêrezorê amade bûbûn.
Her wisa ev cara yekê bû, ku Partîya Sûrî ya El-Musteqbel bi ENKS dicive , û li gorî hin şopîneran dibe ku Partîya Sûrî ya El-Musteqbel rolekê erênî di nêzkûbûna navbera ENKS û Tev-Dem ê bilîze .
Your browser doesn’t support HTML5
Hevîtina ENKS û Partiya El-Musteqbel_Zana Omer 27.06.2018