Girjî û aloziyên şerê Sûriyê dê naverokê danûstandinên Serok Barack Obama û Serokê Rûsî Vladimir Putin bin li kombuna wan ya rastewxwe îro dûsem li NYê.
Putin bawer dike kû divêt sengî liser şerê tîrorê be û rijêma Esad beşek be di rêvebirina Sûriya dahatî de. Lê Amerîka û hêzên hevpeymanan dibêjin, divê Esad bê ladan.
Demê çend heftîya ne Rûsya firokan, çek û dezgehên şerî di hinêrin Sûriyê jibo piştgîriya rijêma Esad. Ev pêngav û piştevanî dijî helwîstê Amerîka ne kû êdî Esed rewayî ne maye û divêt ji desthelatê derkeve.
Li heman dem, karbidestê hikumeta navendî ya Îarqê dibêjin, wan rêkeftin digel Rûsya, Îran û Sûriyê kiriye liser hevpar kirina zanyariyan di şerê dijî komelên milîtanan de.
Gelo, heta çendê ev hevbendiya Rûsya, Îran, Îraq û Sûriyê wê karîger be di şerê DAIŞ de? Erê bersiva Amerîka wê ji van pêşhatan re çawa be?
Di bernama Îro ya Em û Siyaset da em van pisyaran arasteyî hêjayan Dr. Ebdulbasit Seyda, serokê bere yê Encumena Niştimaniya Sûrî, li Swêdê ye û Dr. Kamiran Hac Ebdo, Sekretêrê partiya Yekêtiya Demokrata Kurd – Sûriyê li Almanya ye.
Jbo guhdardarîkirina bernamê failê deng dagire;
Your browser doesn’t support HTML5
Hevbendiya Rûsiya, Îran, Îraq û Sûriyê Wê Çendê Karîger be?