Sala 2013 saleka gelek nexweş bû ji gelê Sûrî re. Astê tundûtûjîyan bilind bû, jimara kuştîyan di şeran de zêde bû. Pêla penaberên Sûrî jibo welatên derdor xurt bû. Her kes hêvîyan dixwaze ku 2014 aştîyê bi xwe re bîne vî welatê ku şerî wêrankirî, lê pêşbînîya guherînek yekcarî nahête kirin jiber alozî û têkelbûna berjewendîyên cûda yên welat û layenên herêmî û cîhanî.
Di hevpeyvînekê de ligel Dengê Amerîka Dr. Ebdulbasit Seyda, endamê Birêveberê Encûmena Niştimanî ya Sûrî got, çareserîya sîyasîya rewşa Sûrî divê li gorî hêvî û qurbanîyên miletê Sûrî be.
