Heteya borî bûyerên xemgîn li bajarê Amûdê qewimîbûn û çend hemwelatî jîyana xwe ji dest dabûn, çendên din jî birîndar bibûn.
Me peywendî bi navenda Desteya Blind a Kurdî kir ku rewşa heyî hîn bibin. Birêz Abdulselam Ahmed, endamê Desteya Bilind û Hevserokê Meclîsa Gelê Rojavayê Kurdistanê li ser rewşa Amûde û bajarên din agahîyên nû dan me.
Birêz Ahmed dibêje, rewşa heyî aramtir e. Ew dide zanîn ku îro di navbera Meclîsa Gelê Rojavayê Kurdistan û Encûmena Niştîmanî ya Kurdistanê de hevdîtinekê were kirin ku kêşeyên heyî çareser bike.
Abdulselam Ahmed dibêje, ew gelê Kurd li hember bîyanîyan diparêzin, lê hin partîyên Kurd tenê diaxfin û karekî jibo gel nakin.
