Komîteya Parastina Rojnamevanan (CPJ), ya bingeh li Amerîkayê, radigihîne ku hejmara rojnamegerên girtî di vê salê de pir zêde bûye.
CPJ radigihîne ku Tirkîye, Îran û Çîn li her welatekî zêdetir medyaya rexnegir bêdeng dikin û hikûmetên wan welatan bi tawana teror û tawanên li dijî dewletê rojnamevanan xetabar dikin.
Li Tirkîyê 49 rojnamevan di zîndanê de ne, ku ev hejmar li her welatekê din zêdetir e. Bi dehan rojnamevan û sernivîsên Kurd li Tirkîyê hatîne binçav kirin û bi tawana teror û planên li dijî hikûmetê hatîne tawanbar kirin.
Sernivîserê Ajansa Nûçeyan a Dîcleyê Abdurrahman Gok dibêje, girtina rojnamevanan rewşa demokrasîya li Tirkîye tîne ziman û hejmara rojnamavanên binçavkirî ji hejmara ku di raportê de hatîye bahs kirin de gelek zêdetir e.
