Di hevpeyvîna taybet ya Pişka Kurdî ya Dengê Amerîka de mamosteyê Zanîngeha Tennesse State University, Dr. Kirmanj Gundî agahîyên berfireh li ser hilbijartinên seroktîyê li Amerîkayê dide.
Birêz Gundî dibêje, di qonaxa niha de, pirsnameyên civakî nîşan didin ku şansa birêz Barack Obama pirtir e ku careke din bibe serok. Taybetî mesajên ku di Kongreya Partîya Demokrat de hatine dayîn bandoreke erênî li ser hilbijêrên Amerîkî kirîye.
Kirmanj Gundî qala kaseta veşartî ya birêz Mitt Romney dike û dibêje, mirovekî ku tevahîya gelê xwe hembêz nake, nikare bibe serokê welatê herî hêzdar li cîhanê.
Dr. Gundî li ser sîyaseta derve ya her du berbijaran dipeyîve û dibêje, ev çaverê nake ku di sîyaseta Washngtonê ya ser Rojhilata Navîn de guharînên bingehîn pêk werin, jiber ku sîyaseta derve li gorî berjewendîyên dewletan pêk tên.
Kerem kin bi lînka jêrîn guhdarîya vê hevpeyvîna taybet ya ligel Dr. Kirmanj Gundî bikin:
