Sîrwan Hecî Berko Behsa Kombûna Kurdên Sûrîyê li Hewlêrê Dike
Serokê PYDê Salih Muslim (çep) ligel Sekretêrê Partîya Azadî ya Kurd li Sûrîyê Mistefa Cûma (rast)
Piştî bûyerên hefteya borî li bajarê Efrînê li Sûrîyê pêk hatin, şandeyên Partîya Yekîtîya Demokratîk (PYD) û Encûmena Niştimanî ya Kurd li Sûrîyê hatin vexwendin bo Herêma Kurdistana Îraqê û li wir ligel Serokê Herêmê Mesûd Barzanî hevdîtin pêk anîn. Herdu alî radigihînin ku encamên hevdîtinên Hewlêrê baş in li ser riya damezrandina helwesteke Kurdî hevbeş li Sûrîyê ku têde berbijwendîya gelê Kurd were parastin.
Di hevpeyvînekê de ligel Dengê Amerîka, rojnamevan Sîrwan H. Berko, bingeh li Hewlêrê, dibêje herdu alîyên nakokîyê berpirs in, bi taybet ewên ku kuştinê li nav Kurdan dikin.
Birêz Berko herwiha dide zanîn ku ne diyar e heta kîjan radeyê hikûmeta Kurdistanê dikare herdu alîyan nêzîk hev bike.
Jibo guhdarîkirina vê hevpeyvînê, ji kerema xwe lînka li jêr klîk bikin.