Şaxê Wanê ya Yekîtîya Odeyên Mîmar û Endezyaran (TMMOB) derbarê firotina cîhê Nexweşxaneya Dewletê ya berê preskonferasek li dar xist
Berdevkê TMMOB'ê yê Wanê Îskan Işik got ku cîhê Nexweşxaneya Dewletê ya berê di plana bajêr de wek seyrangehê hatibû destnîşan kirin, lê niha dixwazin wî cîhî bidin sazîya TOKÎ ya dewletê.
"Dixwazin li cîhê nexweşxaneya berê avahî û karxane ava bikin û 53 mîlyon TL'yan bifiroşin. Wan bajarekî mezin e, lê qada kesk tuneye. Em dixwazin ku ev der jibo rûniştvanên bajêr bibe parkeke mezin."
Karbidestên Wezareta Bajarvanî û Jîngehê yên li Wanê jî ji Dengê Amerîka re piştrast kirin ku ew der ji TOKÎ'yê re hatiye dayîn.
Hêjayî gotinê ye ku Nexweşxaneya Dewletê ya Wanê, ku li navenda bajer cîh digire, piştî erdheja Wanê ya sala 2011'an hilweşîbû û ji wê demê heta niha cîhê wê vala mabû.
