Ji demê damezrandina Dengê Amerîka li 1942ê were, vê saziya ragihandina nêvneteweyî gehandina rastiyê û binecihkirina prensîbên çapemeniya azad kiriye erka xwe.
Gelo di bîrewerîya 79 salîya damezrandina wê de guhdarên Kurd çawa xebata Dengê Amerîka dinirxînin?
Seîd Osman, nivîskar û berevankarê azadiya çapemeniyê ye.
Ew dibêje ku Dengê Amerîka çavkanîya bawerpêkirî ya nûçe û agahdarîyan e.
"Guhdarîkirina Dengê Amerîka li rex radyoyên din ên navneteweyî bûye çandek ku bi dehsalan ji bav û birayên me yên mezin ji me re maye. Vê sazîya nêvneteweyî tim cîh daye doza Kurdî."
Osman pêşnîyar dike ku Dengê Amerîka bingeheke li Herêma Kurdistana Îraqê veke da ku bikare xwî nêzîkî guhdar û bînerên xwe bike.
