Wezîrê Derve yê Ukrayna Dmytro Kuleba îro Înê Rûsya bi lîstina lîstikên birçîkirinê tawanbar kir.
Kuleba, di civîna G20 ya li Balî ya li Endonezya de bi rêka vîdeokonferasê got ku Rûsya lîstikên birçîkirinê dilîze.
Wî nerazîbûna xwe ya ser beşdarbûna Rûsya ya di forumê de bilind kir û got ku divê cîhê Moskowê di ti foruma navneteweyî de tune be.
Kuleba da zanîn ku mafê civaka navneteweyî tune ku bihêle Rûsya cîhanê bi buhayên bilind yên enerjî û xwarinê re rûbirû bihêle.
Şerê Rûsya û Ukrayna di dawîya Sibatê re destpê kir û ji wê çaxê vir ve li gelek welatên cîhanê krîza xwarinê destpê kiriye.
Rûsya û Ukrayna di firotina zad û dexilan de li cîhanê di rêza pêş de ne, lê îsal jiber şerê berdewam genim û dexilên din li depoyan asê mane.