Wezîrê Dadê yê Tirkîyê Yilmaz Tunç îro Înê got ku armanca danûstandinên dawî çêkirina Tirkîyeyeke bê teror e.
Tunç dîyar kir ku ew xebat didomin ku piştî danûstandinên Partîya Wekhevî û Demokrasî ya Gelan (DEM Partî) û Serokê Partîya Karkerên Kurdistan (PKK) Abdullah Ocalan destpê kirine.
‘’Armanca me hemîyan qonaxeke nû û Tirkîyeyeke be teror e. Tirk, Kurd, Çerkez, Laz, bê ku em cudahîyê bikin, divê em yekîtîya xwe û enîya navxweyî hîn xurt bikin û êdî ber bi Tirkîyeyeke bê teror gav biavêjin.’’
Wî got ew bi danûstandinên dawî nêzî Tirkîyeyeke bê teror bûne.
Tunç dîyar kir ku ser vê mijarê berpirsîyên herkesî hene û divê herkes li gor berpirsîyên xwe tevbigere.
Ocalan 27’ê Sibatê bang li PKK’ê kiribû ku çekan berde û dawî li xwe bîne.
PKK’ê ser banga Ocalan agirbest ragihand û dîyar kir ku ewê li gor wî tevbigere.
DEM Partî roja Duşemê serdana Partîya Dad û Pêşvebirinê (AKP) ya desthilatê û hevbenda wê Partîya Tevgera Neteweperwer (MHP) dike.
Çaverê ye şandeyeke DEM Partî û Serokê Tirkîyê û AKP’ê Recep Tayyîp Erdogan jî hefteya pêş bicivin.
Jêder: NTV