Sêzdeh meh piştî ragihandina berbijrîya xwe, Donald Trump li Cleveland, Ohio derket ser dike û gotinên xwe yên di destpêka kempeyna xwe dubare kir.
"Emê Amerîka careke din serbilind bikin. Emê Amerîka careke din ewle bikin. Û emê Amerîka careke din bikin dewleteke mezin,”Trump got.
Ew sozên Trump bûn ku bi mîlyonan Komarî bi xwe ve kişandin û li sernser hilbijartinên berbijarîyê de piştevanîya gelekan misoger kirin û di dawîyê de ew kir berbijarê fermî yê Partîya Komarî.
"Emê bi hevre partîya xwe bînin nav Qesra Sipî û emê welatê xwe ber bi ewlehî, xweşhalî û aşîtîyê ve bibin," Trump di axaftina pejirandina berbijarîyê de, ji delegeyên Komarî re got.