Serokê hilbijartî yê Amerîka Donald Trump îro Înê got ku ew bi rêka telefonê bi Serokê Çînê Xi Jinping re axifîye.
Trump ji platforma xwe ya medyaya civakî dîyar kir ku wî û Xi ser bazirganî, fentanîl û TikTokê danûstandin kirine.
‘’Hem jibo Çînê hem jî jibo Amerîka danûstandinên pir baş bûn. Ez hêvî dikim ku em gelek kêşeyan bi hev re çareser bikin û em jibo vê yekê hema destpê bikin.’’
Wî got ku ew û Xi jibo cîhan hîn aştîyane û ewle be çi ji dest wan were ewê bikin.
Medyaya dewletê ya Çînê dîyar kiribû Xi û Trump îro bi rêka telefonê axifîne, lê zêdetir hûrgilî nedabû.
Trump 6’ê Çileyê gotibû ku ew bi Xi re bi rêka nûneran re diaxife û dîyar kiribû ku ew ser peywendîyên bi wî re geşbîn e.
Jêder: Reuters