Serok Trump şeva Sêşemê gotara yekê di xula xwe ya duyan ya desthilata serokatiya Amerîka de li pêş endamên Civata Nûneran û Civata Senatoran pêşkêş kir.
Serokê Civata Nûneran Mike Johnson di meha Rêbendanê de Serok Trump bi fermî vexwendibû ku li Kongresê ku li ser vîzyona xwe ya “Berî Her Tiştî Amerîka” biaxife.
Dema ku Serok Trump gotara xwe pêşkeş dike di kongresê de hin guhertin çêbûne ku di her du civatan de, Civata Nûneran û Civata Senatoran de Komarî pirraniyê pêk tînin.
Trump piştî silav da ser amadebûyan û endamên kongresê got, " Şeş hefte berê, ez li jêr qubeya vê Kapîtolê rawestiyam û min destpêka Serdema Zêrîn ya Amerîkayê ragihand."
“Ji wê demê pêve ev bû detpêkek ji bo mezntirîn û serkeftîtirîn serdema dîroka welatê me,” Trump got.
Wî bal kişand ser karê ku di van 6 hefteyan de hatî kirin û got “Tiştê ku Me di 43 rojan de encamdayî ji piraniya rêveberiyan ku di 4 sal an 8 salan de hema hema dikarîbûn wan encaman bidest bixin,” û tenê ev destpêkeke Trump got.
"Ez îşev car din hatim vir da ji we re bêjim ku serdema amerîka vegeriya ve, bawerî bixwebûn vedigere. Xewna Amerîka mezintir û ji her demê baştir dibe."
Serok Trump behsa rewşa di van 43 rojên desthilata xwe de kir û da zanîn ku her tişt ber bi başî û li ser rêya rast dimeşe ji aliyê abaorî ve pêşve diçe û karê wan yê pêşî ewe ku aboriya xwe rizgar bikin û enflasyonê daxînin û buhayê kel û pelan jî daxînin, wî rewşa aborî ya serdema serokê berê Joe Biden rexne kir.
Trump got ku rêveberiya wî di hewildanên herî baş yên şaksaziya rewşa enerjiyê de dike û got “Rêvebiriya min di heman demê de li ser boriyek gaza xwezayî ya mezin a li Alaskayê de dixebite, ku Japonya, Koreya Başûr û neteweyên din dixwazin bibin hevkarên me û bi trîlyon dolaran ku ji hêla wan ve têne xerc kirin dê beşdar bibin. Ew ê bi rastî balkêş be.”
Trump got ku wan di tarîfa gumrikî de jî reform çêkirine, weke welatên hevber ku tarîfa xwe zêde dikin Amerîka jî dê li ser wan zêde bike, Meksîka û Kanada weke mînak nîşan dan, “Ew ji me re çi tarîf dikin, em wan tarîf dikin. Çi bac didin me, em bac didin wan.”
Trump bal kişand ser vekirşîna Amerîka ji hin sazî û peymanên navnetewî yên weke saziya Saxlemiya cîhanî WHO û peymana Parîs ya klîmayê, herwiha got ku wan nêzî 100 fermanên serokatiyê derkirine.
Ji aliyê civakî de Trump dîsan tekez kir ku li Amerîka tenê du regez hene ew jî "jin û mêr"in.
Trump behsa hewildanên xwe yên jibo aştiyê kir got, “Ez ji bo bidawîkirina pevçûna hovane ku li Ukraynayê bêwestan dixebitim. Di vê pevçûna kujer û hovane de bi mîlyonan Ukraynî û Rûs her we hatin kuştin an jî birîndar kirin. "
"Bi sedan mîlyar dolar ji bo parastina Ukraynayê hatin şandin. Di vê navberê de, Ewropa bi mixabinî zêdetir pere xerc kirin ji bo kirîna Neft û Gaza Rûsî. "
Trump got ku namek ji serokê Ukrayna Volodymyr Zelensky gihaye wî û daxwaza dike ew di demek zû de were Amerîka û danûstandinên ser aştiyê bidin destpêkirin, wî got "Ez sopasiya Zelensky dikim ser nama şand."
Serok Trump, behsa koçberiya li welêt kir û wan di vê dema kêm de tedbîrên li hember koçberiya ne yasayî û tawankar girtine û pêngavên cidî avêtine, wî got " Ji dema ku dest bi wezîfeyê kiriye, rêveberiya min dest bi kontrolkirina sînor û koçberiyê ya herî berbelav kiriye û me encam zû bi dest xistiine ku di dîroka Amerîka de tekane rêgirtina li hember koçberiya neqanûnî pêkhatîye."
Trump behsa xebat û karê Rêveberiya DOGE ya ku mîlyonêr Elon Musk pêşengiya wê dike û dibêje ku di vê dema kême de bi serkêşiya Elon Mus 100'an bîlyon dolar vegerandine ku bi xerabî dihatin mezaxtin.
Serok Trump bal kişand ser rewşa dadwerîya li welêt û rewşa dadgeh û dadweriyê ya berî niha rexne kir û got " Di van salên dawî de, sistema me ya dadwerî ji hêla dînên Çepên Radîkal ve hatîye serûbin kirin."