Serokê Amerîka Doland Trump îşev di rûniştineke hevbeş ya Kongresa Amerîkî de wê gotarek pêşkêş bike û bi firehî qala plan û projeyên xwe yên nav çar salên siberojê bike.
Serokên Amerîkî pir caran di destpêka seroktîya xwe de li Kongresa Amerîkî, di civîneke hevbeş de dipeyîvin ku li ser bingehên sîyasetên xwe û girîngîyên rêvebirîyên xwe agahîyan bidin.
Serok Trump wê axaftina xwe li pêş endamên Civata Nûneran û Civata Senatoran pêşkêş bike.
Serokê Civata Nûneran Mike Johnson di meha Rêbendanê de Serok Trump bi fermî vexwendibû ku li Kongresê ku li ser vîzyona xwe ya “Berî Her Tiştî Amerîka” biaxife.
Jêderên nêzî rêvebirîya Trump ji medya Amerîkî re dibêjin sernavê axaftina Serok Trump wê "Nûkirina Xewna Amerîkî" be. Ççaverê ye ku Trump derheqa pêngavên ku rêvebirîya wî heta niha avêtine biaxife û sîyaseta ser aborî, ewlehîya sînor û polîtîkayên sîyaseta derve binirxîne.
Hêjayî balkişandinê ye ku li ser nave Demokratan, Senator Elissa Slotkin ya Michiganê ve gotara bersîvdanê raberî bîragiştî bike.