Di 13'ê Cotmehê de li Stenbola Tirkîye lîstikeke bi zimanê Kurdî ya bi navê Bêrû: Klakson Borîzan Bîrt ya koma şanoyê ya Teatra Jiyana Nû ku ji alîyê nivîskarê Îtalî Daîro Fo ve hatiye nivîsîn ji hêla karbidestên dewleta Tirk ve bi sedema xirakirina ewlehîya civakê hat qede kirin.
Şanoya Bajar ya Şaredariya Bajarê Mezin ya Stenbolê, di 21’ê Îlonê de,dîyar kiribû ku bi sedema rojên zor û dijwar yên jiber vîrûsa korona dê di serdema xwe ya nû ya şanoyê de cîh bide 50 lîstikên şanoyên taybet ku koma şanoyê ya Teatra Jîyana Nû ya Navenda Çanda Mezopotamya (MKM) yek ji wan şanoyan bû.
Herwiha ewê di dîroka Şanoyên Bajarê Stenbolê ya 160 salan de, bi listika Bêrû bo cara yekê lîstikeke bi zimanê Kurdî bihatana pêşkeş kirin.
Di hevpeyvîna Dengê Amerîka de derhenerê lîstika Bêrû Nazmî Karaman di derbarê lîstikê de agahdarî da û ragihand ku 4 saat berî ya destpêka Bêrûyê polîs hatin û gotin ku lîstik hatiye qedekirin, dema min ji van sedem pirsî ti sedem nîşan nedan.
“ Listik ne lîstikeke cûda yan polîtik e, ev sê sal in ku em dilîzin. Me li Amedê, Batmanê, Vanê û gelek cîhên din me pêşkeş kiriye û dema diçin wan cîhan em teksta lîstika xwe, em destûrê digirin û ew roja lîstikê tên bi kamareyan me tomar dikin. Li vir jî, me tevahîya belgeyên xwe me da Şaredariya Bajarê Mezin ya Stenbolê jiber ku ew damezraner bûn.”
Karaman bersîva daxuyanîyên karbidestên dewleta Tirkîyê û walîtîya Stenbolê da ku dibejin Bêrû ne bi sedema zimanê Kurdî lê jiber ku propagandaya PKK'ê dike hatiye qedexe kirin.
“ Ez hunermend im, bi zamanê xwe Kurdî hunerê çêdikim, û tiştekî wiha di nav lîstikê de tuneye. Em propagandayê nakin, em hunerê dikin. Îro zimanê Kurdî di tevahîya jîyanê de û herwiha di hunerê jî qedexe ye jiber vê yekê jî ev biryara qedekirinê sîyasî ye,” Karaman got.
Hejayê balkişandinê ye ku heke lîstika Bêrû ya Teatra Jiyana Nû nehata qedekirin, ewê di dîroka Şanoyên Bajarê Stenbolê ya 160 salan de, cara yekê lîstikek bi zimanê Kurdî bihatana pêşkeş kirin.
