Digel lawazbûna rêkxistîya terorîsta Daîşê li Sûrîye, piştî oprasyonên leşkerî yên Hêzên Sûrîye Demokratîk (HSD) bi piştgirîya hevpeymanîya navnetewî ya bi rêberayetîya Amerîka bo dema pitir ji 3 salan, niha rewşeka nû ya leşkerî û siyasî li herêma bakurê Sûrîye bi xweve dibîne.
Tirkiyê bi berdewamî gefên êrîşan dijî hêzên Kurdan li rojhilata çemê Firat dike ko hêzên Amerîka li wir cih digrin.
Karbidestên Amerîka hewil didin rewşa aram li ser tixûbê Sûrîye û Tirkiyê rabigrin piştî topbarankirina leşkerê Tirkiye bûne gef liser oprasyonên dijî Daîşê li rojhilata Sûrîyê.
Tirkiyê havlbenda Amerîka ye û endama NATO ye. Li aliyê din HSD û Kurdên Sûrîyê hevalbendên Amerîka ne di şerê dijî Daîşê de. Lewra, Amerîka her tim hewl dide hevsengîyê di navbera herdu aliyanda peyda bike.
Pirsyar li vir ewe, aya Amerîka heta çi astekê wê bikare hevsengîyê berhev bike? Erê armanca hêzên Amrîka bi tenê nehêlana Daîşê ye?
Benamê Tîrêj digel du mihvanan vê mijar şîrove dike: Ridwan Badînî mamostayê beşa ragihandina zanîngeha Selahadîn û Husên Omer, lêkolerê siyasî.
