Leşkerê Tirkiye digel çekdarên leşkerê Azad yên oposizyona Sûrî bo dema Sê hefteyane bi berdewamî êrîşan ji erd û esman dijî Kantûna Efrînê pêk tîne.
Encumena Nîştêmanîya Kurdên Sûrîyî, ENKS'ê di beyanamekê de operasyona Tirkiyî û hevalbendên wan bi kirdareka dojminkarî nasand.
Desteya siyasî ya hevpeymanîya oposizyona Sûrî helwêstê “ENKS”ê red kir û daxwaza pêdaçûnê liser têkelîyên oposizyon û ENKS'ê dike.
Bernama Tîrêj ya ji aliyê Xalid Fetah tê pêşkeş kirin mêhvandarîya Dr. Kawa Ezizî mamostayê zanista siyasî li zaningeha Selahedin ya Herêma Kurdistanê kir. Birêz Ezizi got, helwêsta fermî ya ENKS'ê di derbarî êrîşên Tirkiye de ewe ko eve karekî “dojminkarîy”e dijî Kurdan li Efrînê ye. Herwisa got, ENKSe çî caran PYDe bi terorist nav nekiye lê em rexne li siyaseta PYDê digirin.
