Di vê mehê de, du civînên berfireh li Erebista Saûdî û li bajarê Soçî ya Rûsya bo çareserkirina şerê li Sûrîye hatin encamdan, tê çaverêkirin ku, civînên oposizyon û hikumeta Sûrî li 28 vê mehê li Geneve bi encam bibin.
Çavdêrên siyasî bawer dikin ku, aloziyên siyasî û leşkerî li Sûrîyê, herwesa destêwedana welatên herêmê û hêzên Navnetewî di konferansa Genevre de ti çareseriyek pêk nayê.
Bernama Tîrêj ya vê heftîyê çend pirs derbarî astengên çareserîya şerê Sûrîyê anîn rojevê, erê ajêndayên aliyên ser yên girêdayî Erebistana Saûdî û yên girêdayî Tirkiyê û Îranê li Genevre dê nêzîk yek bibin û bigihn hev? Erê pirsa Sûrîyê bê beşdarîya Kurdan dê bi encam bibe?
Mêhvanê bernamê, sekiretêrê Partiya Demokrat a Kurdî li Sûriyê û endamê Hevbendîya Niştimanîya Kurd birêz Nesreddîn Îbrahîm, dibêje, Genevre nikare dawîyê li şerî Sûrîye bîne û divê Kurd bi projeka yekgirtî tevlî danûstendinan bibin.
