Çend şaerzayên rewşa Sûriyê li Amerîka û li herêmên Kurdan dibêjin, biryara ji nişkê ve ya Koşka Spî jibo vekêşana hêzên Amerîkî ji Sûriyê wê bibe sedema rewşek aloz li herêmê hemûyê.
Di hevpeyvînekê de li gel Dengê Amerîka peyvdarê Ragihandina Hêzên Sûriya Demokrat (HSDê) Mustefa Balî got, wan tedbîrên xwe girtine û amadene jibo her rewşekê.
Birêz Balî gote, Dengê Amerîka VOA, ewlehiya xelkê herêmên wan berpisyariya HSDê ye û ew Tirkiyê weka dagîrker dibînin. Birêz Balî got jî, eger Amerîka hêzên xwe ji herêmên Bakûr û Rojhilata Sûriyê kişandin wê derfet bide DAIŞ serîhilde.
