Dîplomatên G7 îro Înê bang li Rûsya kirin pêşnîyara Amerîka ya ser agirbestê qebûl bike.
Wan dîplomatan piştî danûstandinên li Kanada di daxuyanîya hevbeş de dîyar kir ku wan di civînê de gotiye ku ger Rûsya agirbest qebûl neke ewê dijî Moskowê pirtir toleyan ragihînin û zêdetir alîkarî bidin Ukrayna.
Qesra Sipî ragihand ku Nûnerê Taybet yê Serokê Amerîka Donald Trump, Steve Witkoff roja Pêncşemê bi Serokê Rûsya Vladimir Putin re kom bûye.
Wezîra Derve ya Kanada Melanie Joly îro Înê got ku hemî wezîrên derve yên G7 ser pêşnîyara Amerîka ya jibo agirbestê wek hevdu difikirin û dîyar kir ku niha ew li benda bersîva Rûsya ne.
Piştî wê, Wezîrê Derve yê Brîtanya David Lammy ew fikir bi heman rengî got.
Lammy dîyar kir ku ew ser agirbestê hevbîr in. Wî got ku helwesta Rûsya ya ser agirbestê zelal e û got ku niha dora pejirandina Rûsya ye.
Daxuyanîya hevbeş ya G7 di vê demê de hat ku Kremlîn dibêje jibo agirbesta li Ukrayna divê hîn pir tişt werin kirin û sînyalan dide ku ew naxwaze pêşnîyara Amerîka qebûl bike.
Berdevkê Kremlînê Dmitry Peskov dîyar kir ku Putin hin pirsên ser agirbestê anîne rojevê û got ku ew li benda bersîvan e.
Serokê Ukrayna Volodymyr Zelenskyy dîyar kir ku Putin bi qestî peyvajoyê dijwar dike û rê li ber pêşveçûnê digire.
Zelenskyy roja Çarşemê gotibû ku agirbesta demkî ya 30 rojî ya bê şert gaveke girîng e jibo aştîyeke mayînde.
Jêder: VOA