Ajansa fermî ya Rûsyayê (RIA) roja Sêşemê li ser zarê dadgehekê li Moskow got ku hikûmeta Rûsya ceza daye malpera medya civakî Reddit.
RIA got ku ev cara yekê ye Reddit jiber jênebirina "babeteke qedexe" li ser şerê Rûsya li Ukrayna û da zanîn ku ew agahiyên "sexte" ne derbarê kempeyna leşkerî ya Rûsyayê li Ukrayna.
Bi vê gavê, Reddit êdî dikeve rêza malperên ku li Rûsya di bin çavdêriyê de ne, jiber ku nikarîbû babeta ne bi dilê Moskow ji malperê bavêje. Wekî din, di nava vê rêzê de malperên Wikimedia, Twitch, û Google (GOOGL.O) jî hene.
RIA got ku dadgehê Reddit bi 20,365 dolar ceza kiriye. Ji aliyê xwe ve, Reddit ti bersiv nedaye da ku vê helwestê zelel û şîrove bike.
Her îro Sêşemê, dadgehê cezayê 20,365 dolar li malpera Wikimedia birî, li gor sazîya Intrefax ku xwedîya Wikipedia ye. Ev yek ji ber heman sedemê ye ku Wikimedia nûçeyên "sexte" yên taybet kempeyna leşkerî ya Rûsya li Ukrayna belav dikin.
Pispor dibêjin ji dema dagirkirina Ukrayna ji sala borî ve, Rûsya kontrolên xwe li ser rûmalkirina agahiyên şer ji hêla medya û blogeran ve tundtir kiriye. Ew herwiha cezayên tundtir pêk tîne li dijî "bêrûmetkirinê" li ser kiryarên hêzên Moskow yên çekdar yan jî ser weşandina agahdariya derewîn derbarê wan.
Wikimedia berî nuha gotibû ku ev agahiyên ku rayedarên Rûs gilî li ser wan kirine bi çavkaniyek baş hatine komkirin û li gor pîvanên Wikipedia ne.
Wikipedia yek ji çend jêderên serbixwe yên agahîyan e li Rûsya ku hîn xebata xwe berdewam dike, tevî fişarên zêde ji alîyê Moskow ve piştî destpêbûna şerê Ukraynayê.
Rûsya jî got ti plana wan tune ye ku xebata Wikipedia rawestînin , lê gelek caran cezayê diravî di derheqê wê de derdixe.
Wikimedia berî ev ceza derkeve rexne li hikûmeta Rûsî kiribû ku ev kiryar wekî "beşek ji hewildanek domdar yên hikûmeta Rûsî ye ji bo sînordarkirina belavkirina agahîyên pêbawer û bi jêder li welêt."
Derbarê Reddit
Reddit malpereke berhevkirina nûçeyên civakî, nirxandina naverokê, û platformekea giftûgoyan ya Amerîkî ye.
Ew di sala 2005'an de ji hêla Steve Huffman û Alexis Ohanian û Aaron Swartz ve hate damezrandin.
Kesê ku vê malperê bikartîne jê re tê gotin "redditor" ku ew dikare babet, lînkên mijaran, wêne û dîdyoyan jî bişînin malperê. Paşê ji hêla endamên din ve dengdan li ser wan dibin ka hêja ne bên belavkirin yan na.
Ji Sibata 2023'an û vir ve, Reddit li gor Semrush ket rêza û 6'an wekî malpera herî zêde serdana wê dibe li Amerîka. Ser asta cîhanê jî ew di rêza 10'an de ye.
Hinek agahîyên vê raportê ji Reuters hatine wergirtin.