Serokê Rûsya Vladimir Putin îro Çarşemê dîyar kir ku ew li Ukrayna bo erdên xwe yên dîrokî şer dikin.
Putin li Moskowê di mîtîngekê de, ku ji alîyê dewletê ve hat çêkirin, ser şerê li Ukrayna axifî.
‘’Min ji serfermanderê me bihîst ku niha şerek dewam dike, bo axa me ya dîrokî, bo gelê me.’’
Putin di axaftina xwe ya kin de pesna leşkerên Rûsî da û got ku ew bi wan leşkerên wêrek serbilind in.
Şerê Rûsya û Ukrayna di dawîya Sibata 2022’yan de destpê kir.
Amerîka û hevbendên wê yên Rojavayî di şerê Rûsya û Ukrayna de bi Kîevê re ne.
Moskow, Washington û hevbendên wê bi gurkirina girjîyê tawanbar dike û dibêje ew nikarin rê li ber armancên hêzên Rûsî bigirin.
Jêder: AFP